قصائد للثورة

كام حلم قاد وانطفي ....
كام حب مات مقتول ....
ياما صوت برق واختفي....
لما ضناه القول .........
...........................................................
وقف التاريخ تعظيم ... بعد اما كان مقفول .....
بالضبة والتعتيم ....
ولا كانشي شئ موصول .....
وقف التاريخ محني ....
يسمع مطالبهم ..
شباب ورود علي فل ...
بالبسمة طلتـــهم
وف حصة التعبير .... تكتب صفح عنهم
يا نسايم التغيير .. شاوري عليهم دول
كام حلم قاد واطفي .....
كام حب مات مقتول
--------------------------------
يا قصيدة قومي بقي .... واتحزمي ياللا ...
قولي علي كيفك
واتحدتي بكيفك
ولا تنحني تاني
ولا تهربي تاني
زمن الهروب ولـــــــــــي
ولا تمدحيش عمرك .. للكرسي فرداني
بمسمي اغنية ..............
وان قولتي قولة ف يوم
تبقي ..... ف ( حريـــــــــة )
NO WAY
و IMPOSSIPOLE
اتحولوا لممكن ..
واتلونوا بمعقول ...........
كام حلم قاد وانطفي ...
كام حب مات مقتول

----------------------------------------------
يا جيل ضحكتوا عليه ...
قولتوا عليه النكت
كان حلمه جوا عنيه ...
جملة ومش بالحتت
هتقولوا أبصر ايه
شال التراب م الجتت
حط الجميع ف زهول ................
كام حلم قاد وانطفي
كام حب مات مقتول
-------------------------------------------------
دبت ف مصر الروح
من بعد سلب ونهب
كان الزمن ملووح
ناحية ولاد الكلب
عدلوا الولاد دفتك
يا طاهرة ياحرة
وعشان مقام عفتك
كسروا حصون الغول
كام حلم قاد وانطفي
كام حب مات مقتول

-------------------------------------------------------



مين اللي قال ؟؟




شعر :

مين اللي قال ان البلد عايزة ولد ؟؟؟؟؟؟
طاب يبقوا مين الملمومين حوالين بلدهم ف الميدان ؟؟؟
وف كل شارع ف البلد ؟؟
ومهملين حالهم ومالهم
مزروعين ...
سايبين عيالهم ..
كانخيل اتصب طوله للسما !!
واللي مايشوفشي امتداده ..
ده اكيد يبقي اتعمي ....
والله يا مصر عمار .. عمار
مسروقه طول عمرك ..
ويوم منك .. ماينقطع الخضار ....
والقطة والكلب اللي ضالين ف الشوارع
ما يباتوش من غير عشا ..
يا مصر قومي اتكحلي .. واتزوقي ...
واترسمي فوق كل البلاد .....
ياه ع السنين ...
حبة ولاد..
يفرحوا القلب الحزين
بيموتوا لجل ما تكوني الاميرة ..
اضفري . واتبغددي.. وريني مقدار الضفيرة ....
شوفتي ... سيف الله وسالي ؟؟
شوفتي اسلام ويا احمد ؟؟
مينا .. جرجس ..والا مريم ..
مصطفي وابانوب.. محمد .. ويا غيرهم ...
شوفتي وائل ...
بدر طالع م السجون ..
لجل يقول الثورة مالهوش فضل فيها ....
واتفطر ساعة ما شاف تصاوير خواته م العياط
اللي طلعوا عشان يموتوا
ف الميدان مستشهدين ..
الواد أمين ...
ذي كل ولاد بلدنا الطيبين
اه يا بوي ع الولد دول
متعلموش الكذب كيف ف المكرفون
وازاي تكون .. وانت لا شئ ولا يحزنون ..
متعلموش الغش فوق ساحة القمار..
ولا يعرفوش الا العمار ...
ماباعوش بلادهم .. او عليهم يوم تهون ..
الخلق كله ف كل عالم
شاف ولادك ...
اللي ليهم .. يامه كل الاحترام
واللي ليهم .. فضل حق الاختراع...
ثورة طالعة بالغنا .. وب لابتسام
وبيعزفوا ...
وبيرسموكي ف احلي صورة باكتمال ...
طاهرة في غاية الجمال
ياه ع العيال ..
لأ .. ويقولوا ...
مصر قال
عايزة .. ولد ؟؟؟؟؟؟



-------------------------------------







أنا عقلي طاااااااار


شعر

أنا عقلي طار...!!!
اكتب مواعظ .. او حكم
يطلع هزار!!!!!!!
مين كان يصدق ..؟
ان مصر ف يوم كدة ترجع شباب ...
والكون يشوفها .. ف احلي صورة بإنبهار
والله لو املك سلاح .....
لاضربلها .. مليون عيار..
بعنيه شفت صبايا مصر .. بيزوقوها ف الميدان
وبيمسحوا باديهم الناعمين ..دموعها
اللي سالت ليل نهار
كل اللي راهن يوم عليها ..فوق ترابيزة قمار
خسر الرهان ..
كل اللي كان شابك ..ف ديل المذبلة
بان الجبان ...
الفرحة فوق عقل البشر...
اللي اترمي فوق حجرة ياما كلام كتير...
ومافهش كلمة ( ( اختيار ))
عارفين بلدنا حلوة كيف ...
لكن يا هووو
كان الحلا مسروق ..ومتساب المرار
بس اللي حازز جوا قلبي حبتين
شامم روايح من مطالب مش تمام
فاقدة لطعم الانسجام
خلوا بالكم
مصر شاهدة
اهي قبالكم
واوعوا نفلت للزمام ...
واوعوا تفلت حلقة منا
او يفرق حد بينا
مصر فوقنا
فوق جبينا
مش فصايل ...او شلل
او شعللة نار الخصام
مصر بتساع الجميع
حطوا القواعد والاسس
مع احترامي للمشايخ .. والقسس
الاساس هوا الاساس
والفرعي يستني .. مايبقاش المقاس
كل واحد راح يجيله حقة ويخبط عليه
بالعدالة جنبها الحرية والمدنية
عمدان الاساس ...............